Biblioteket i Trivselshagen har hatt ei tydeleg auke i utlån av bøker til voksne, og film for alle aldrar. Glopparane lånte i gjennomsnitt 8,2 bøker, lydbøker, filmar og spel i 2009.
Arrangementslista er lang og innhaldsrik for 2009, her er nokre smakebitar:
- Liv & Røre ved den offisielle opning av Trivselshagen, med bl.a. lesestund, ansiktsmaling
- Laurdagsrunda i samarbeid med Gloppen Næringsorganisasjon, Nordfjord folkemuseum og Trivselshagen sin kafé
- Skriveverkstad i samarbeid med Gloppen litteraturfest
- Sogelagskveld
- Opplesing av Pan i det runde rommet
- Temagudsteneste "Leseplass" i biblioteket, arr. av konfirmantane i Vereide og Gimmestad sokn
- Barnas kino & bibliotekdag, del av Den kulturelle skulesekken
- Barnas countrydag i samarbeid med Norsk Countrytreff
- Litteratur & musikk i samarbeid med Gloppen musikkfest
- Liv & Røre i september, med lesestund og ansiktsmaling
- Bokkveld i samarbeid med bokhandelen
- Kulturnatt i Nordfjord
- Nasjonal speledag, i samarbeid med fritidsklubben/kino
Byrkjelo filial har hatt ei fin utvikling i 2009, etter midlertidig nedgang i utlånstala i 2008 - då ein gjekk over frå tre til to dagar ope i veka. No peikar tala oppover igjen, det er svært hyggjeleg! Bokkaféen er like populær som før.
Hyen filial har ein liten nedgang i utlånet i år, men har elles stabil aktivitet - også som skulebibliotek for Hyen skule.
Biblioteket har hatt eit aktivt samarbeid med Gloppen musikkfest om formidling av boka "Den lille prinsen" som førebuing til førestillinga i august. Barnebibliotekaren vår, Wenche Søreide, har saman med Hanne Oftedal frå musikkfesten besøkt skular og barnehagar, og sett i gang kreative prosessar i lag med elevar, lærarar og førskulelærarar. Noko av resultatet vart til flotte utstillingar rundt omkring i kommunen.
I tillegg har biblioteket heldt ekstra ope i samband med ulike arrangement i Trivselshagen.
Faste arrangement/tiltak:
- Bokkafé på Byrkjelo
- Temautstillingar, bl.a. Nederland, Les for meg pappa, Knerten
- Trilletreff kvar onsdag
- Speling av Wii og DS kvar torsdag frå 15. november
Også i 2009 har vi hatt mange trivelege besøk av klasser og barnehagar. Det er vi svært glade for, og gledar oss til meir besøk!
Som skulebibliotek for Firda vgs. handterer ein også lærebokutlånet, og hadde i 2009 4.017 slike utlån. Dette kjem i tillegg til samla utlånstal på 46.725. Biblioteket har også heldt ulike kurs for elevane på Firda vgs.
Biblioteket har vore arrangør for nokre regionale bibliotekmøter i 2009, til dømes Nettverksmøte for bibliotekarar i den vidaregåande skulen.