Høyring av planen – kom med innspel
Vi ynskjer synspunkt, relevante opplysningar eller andre uttaler til planen for tiltaket innan høyringsfristen. Grunneigarar, naboar og andre rørte partar er varsla direkte med brev. Høyringsfrist: 4. desember 2026
Informasjonsmøte
Det blir halde eit ope informasjonsmøte i Breidarheim på Byrkjelo den 17. november kl. 18:30-20:00, der du kan få meir informasjon og stille spørsmål om planen.
Har du merknader til planforslaget?
Uttaler til planen må merkast med saksnummer 26/3548, og kan sendast på følgjande måtar:
Plandokument på høyring
Plandokumenta som er på høyring finn du her:
Arealplaner.no - Byrkjelo næringspark
Planforslaget består av eit plankart med tilhøyrande føresegner og planomtale. Konsekvensutgreiing av miljøtema (naturmangfald, friluftsliv, landskap, kulturmiljø, vassdragsmiljø og klimagassutslepp) er innarbeidd i planomtalen. Vedlagde rapportar og notat inneheld meir detaljerte vurderingar og dokumentasjon for viktige plantema.
Om planforslaget
Planområdet ligg ved Teita på Byrkjelo. Planen legg til rette for:
- biogassanlegg med tilhøyrande funksjonar (i KBA1)
- næringsverksemder som er direkte knytt til biogassanlegget, til dømes leverandør, service, verkstad og transport (KBA1 og KBA2)
- andre verksemder som kan dokumentere reell klimagassreduksjon eller sirkulære verdikjeder (KBA1 og KBA2)
Planen sikrar også utviding og etablering av vegareal og soner for etablering av vegetasjonsskjerm og for ivaretaking av kantvegetasjon langs Storelva.
Til venstre: Utsnitt av plankartet. Til høgre: Illustrasjon av mogleg utnytting i KBA1 og KBA2
Asplan Viak AS
I konsekvensutgreiinga er det utgreidd tre alternativ som er stilt opp mot nullalternativet:
- Alternativ 1 – næringsområde med biogassanlegg plassert nord
- Alternativ 2 – næringsområde med biogassanlegg plassert i vest
- Alternativ 3 – redusert næringsområde med biogassanlegg plassert i nord
Samla konsekvens for alle utbyggingsalternativa er «middels negativ konsekvens».
Planforslaget er basert på alternativ 3, som er rangert som det beste av alternativa over på grunn av mindre arealbeslag og at alternativet ikkje tek myr.
Politisk handsaming og vidare prosess
Samfunnsutvalet i Gloppen behandla planforslaget og gjorde følgjande vedtak i møte 15. oktober 2026:
SAMF- 070/26 Vedtak
Samfunnsutvalet legg forslag til detaljregulering for Byrkjelo næringspark, plan-ID 2024001, ut til høyring og offentleg ettersyn i samsvar med plan- og bygningslova §§ 12-10 og 12-11.
Samrøystes vedteke
Planforslaget ligg no ute til offentleg ettersyn i 6 veker, til den 4. desember 2026.
Når høyringsfristen er ute vil kommunedirektøren samanfatte alle innkomne uttaler og vurdere desse før planforslaget blir lagt fram for slutthandsaming og vedtak. Berørte naboar og grunneigarar vil få tilsendt kunngjering etter vedtak.